U.d e Presidentit dhe Kandidatja për deputete në listën e Vetëvendosjes, Vjosa Osmani e cila kishte numrin dy në listë, e ka mposhtur e vetme LDK-në në Istog, duke e shpartalluar si parti.

Deri tani, sipas statistikave, Vjosa Osmani ka marrë 5658 vota, ndërsa e gjithë LDK-ja ka marrë 4558 vota.

Osmani në vizitat në Istog ishte pritur nga shumë qytetarë atje në fushatë. Ajo vazhdimisht është zotuar se do të qoj para frymën rugoviane.

Zëdhënësi i Komisionit Qendror të Zgjedhjeve, Valmir Elezi, ka deklaruar se në Qendrën e Numërimit dhe Rezultateve ka përfunduar pranimi i materialit zgjedhor nga të gjitha komunat e Kosovës.

Në QNR, ka përfunduar pranimi i materialit zgjedhor nga të gjitha komunat e Kosovës. Në këto momente në QNR janë duke u skanuar listat përfundimtare të votuesve. Ky proces është i domosdoshëm për të bërë krahasimin në mes të votuesve që kanë votuar në vendvotime të rregullta dhe atyre me kusht. Kjo bëhet që të na mundësohet të fillojmë numërimin e votave me kusht dhe votave tjera.

Elezi, ka treguar procedurat të cilat duhet të ndiqen deri te numërimi i votave që kanë ardhur nga diaspora.

“Janë duke u zhvilluar disa procedura në QNR, njëra prej tyre është skanimi i listës përfundimtare të votuesve. Ky process ëhtë i domosdoshëm para se të fillojë numërimi i votave të personave me aftësi të kufizuara dhe të diasporës. Duhet parë nëse ka ndonjë rast ku një person ka votuar edhe në vendvotim të rregullt edhe me kusht. Ky proces është i domosdoshëm para se të fillojmë me numërimin e votave të personave me nevoja të veçanta, atyre me kusht dhe nga jashtë vendit, ndonjë datë nuk kemi.

Elezi tha se procesi i numërimit të votave të diasporës nuk do të zgjasë shumë.

“Gjatë periudhës së votimit përmes postës, rreth 43 mijë pako të supozuara me fletëvotime. Brenda pak ditësh fillon hapja dhe numërimi I tyre. Atëherë do të dimë saktë numrine fletëvotimeve nga jashtë vendit. Numërimi i tyre nuk zgjat shumë, brenda 1 apo dy ditësh përfundon dhe bashkëngjitet numrit të votave tjera”, tha Elezi./meKryeministrin.info/

By A. P.

59 thought on “Vjosa Osmani me numrin e votave e ‘shpartallon’ LDK-në në Istog”

Leave a Reply

Your email address will not be published.